Lyngbrannfaren aukar i Vestland

Med stigande temperaturar og tørr norda­vind aukar gras- og lyng­brann­faren i Vest­land dei neste dagane. Fram til fredag åtvarar meteoro­logane mot brann­fare på gult nivå. Fare­graden ser ut til å ved­vare. Einaste håpet om nedbør er nokre dråpar natt til fredag. – Det kan bli fleire dagar på rad utan nedbør av betydning, seier stats­meteorolog Leonidas Tsopouridis. Han ber folk ikkje bruke open eld i naturen. Det har siste tida vore fleire lyng- og grasbrannar. – Vegetasjonen kan lett ta fyr, så her bør folk vere obs, seier han.