Høgre held fast på bygging av Atløysambandet

Partiet Høgre står fast på at dei vil byggja Atløysambandet. Det stadfester Silja Ekeland Bjørkly til NRK. – Me står ved det me har sagt tidlegare, og me står ved løfta våre. Dette er eit prosjekt som er viktig å byggja, mellom anna fordi det er involvert ferjeavløysingsmidlar frå staten, seier Bjørkly. Før helga kom det fram at fylkesdirektøren ynskjer å skrota prosjektet, mellom anna grunna auka kostnader. – Det er kostnadsauke på alle våre prosjekt, seier Bjørkly. Saka skal opp til behandling i fylkestinget seinare i juni.