Leander Djønne vinn Nynorsk litteraturpris

Forfattaren Leander Djønne får Nynorsk litteraturpris 2025 for romanen Alt et. Prisen er på 50 000 kroner og vert delt ut på Gardermoen fredag 24. april. Juryen skildrar vinnarboka som ei ulykke som utspelar seg line for line, der det er umogleg for lesaren å sjå bort. Djønne har hausta stor heider for forfattarskapen sin dei siste åra; han vann også Brageprisen for same bok i fjor, medan debutboka Oskespiralen frå 2022 også sikra han fleire utmerkingar. Det er Noregs Mållag, Det Norske Teatret og Det Norske Samlaget som står bak prisen, som har vore delt ut årleg sidan 1982.