Fleire mista førarkortet grunna høg fart

Totalt fire bilførarar mista førarkortet etter at Utrykkingspolitiet hadde fleire fartskontrollar i Vestland søndag ettermiddag/kveld. På Rv. 7 ved Furlotunnelen i Eidfjord vart det gjort tre førarkortbeslag i 80-sonen, der høgaste hastigheit var 128 km/t. Der vart det og skrive ut 29 forenkla førelegg, opplyser Vest politidistrikt. På E39 ved Grov på Stord vart ein bilførar utan sertifikat etter å ha køyrt i 125 km/t i 80-sonen, opplyser Sør-Vest politidistrikt.