40 geiter avliva på Kvist

Mesteparten av den omstridde geiteflokken på Kvist i Høyanger er no avliva, trass i fjorårets vedtak i Stortinget. 40 av dei 55 vaksne dyra er drepne, medan 23 kje er henta ut for å bli tekne vare på. Norsk genressurssenter (NIBIO) forklarer avlivinga med dårleg helse, sjukdom og liding i flokken. Dei meiner det var umogleg å temje dei vaksne dyra, og at det ville vore uverdig å halde dei i fjøs. Engasjerte dyrevenner reagerer kraftig og kallar handlinga for grotesk. Fagfolk frå NIBIO avviser dette og viser til at dyra var sterkt avmagra og prega av svelt og skadar.