Bil køyrde inn i murkant i Mathopen

Politi og brannvesen rykte tysdag morgon ut etter melding om eit mindre trafikkuhell på Skarafjellet i Mathopen i Bergen vest. Naudetatane vart varsla via så kalla e-call i bilen, ifølgje Vest politidistrikt. – Bilen har køyrt i støypekant, airbag løyst ut, berre førar i bilen. Ikkje meldt om personskadar, skriv operasjonsleiar Frode Kolltveit i Vest politidistrikt. Bilen står på ein murkant, og det er mindre materielle skader. Det er ikkje meldt om trafikale problem, og klokka 07.19 er bergingsbil på veg.