Politiet rykte ut etter melding om mann med lighter

Bekymra naboar på Hylkje frykta skogbrann då ein mann tulla med open eld torsdag morgon. Politiet fekk to telefonar frå engstelege personar som observerte ein mann som brende med ein lighter i området. Operasjonsleiar Dan Erik Johannessen seier til Bergens Tidende at dei som ringde, var redde for at mannen skulle setje fyr på skogen. Både politi og brannvesen rykte ut til staden. Politiet melder no at dei har kontroll på mannen, og at situasjonen er avklart.