Ein mann i 30-åra blir laurdag framstilt for varetektsfengsling i Hordaland tingrett, sikta for vinningskriminalitet og ordensforstyrringar. Mannen skal ha tatt seg inn fleire stader og stole ting, mellom på ein frisørsalong i Bergen sentrum. – Han blei arrestert i går, etter at han hadde tatt fleire ting i eit næringslokale i Kanalveien og ytra truslar mot ein tilsett, seier politiadvokat Trine-Benedikte Opdal. Mannen skal møte i Sør-Rogaland tingrett i oktober, der han er sikta for fleire forhold som skal opp for retten. Politiet ber difor om varetektsfengsling fram til denne hovudforhandlinga.

Politiet har rykka ut til Mannsverk i Bergen, etter melding om skadeverk på fleire parkerte bilar. I løpet av natta skal fleire dekk ha blitt skore opp. Det er funne 14 bilar med oppskorne dekk, opplyser politiet. Dei opprettar no sak.

Ein mann i 70-åra som blei funnen livlaus i sjøen utanfor Bømlo laurdag føremiddag, er død. Det stadfestar politiet, som rykka ut til staden. Mannen vart funnen i sjøen og tatt om bord i ei redningsskøyte som var i området. Politiet har ikkje mistake om at det har skjedd noko straffbart. Dei opprettar no ei undersøkingssak. Pårørande er varsla.

Politiet har fått melding om eit mindre trafikkuhell på Fyllingsnes i Alver. Ein bil skal ha køyrt inn i eit autovern. Politiet er på staden og har kontakt med føraren. Det er ikkje mistanke om ruspåverka køyring, og ingen personar er skadde.

Politiet fekk fredag kveld melding om ein person som verka rusa og var på veg til å setje seg i ein bil i Førde. Politiet er på staden og har kontakt med personen.

Ein politipatrulje melde for kort tid sidan om kraftig røykutvikling frå ein buss i Bergen. – Vi er no på staden. Det er snakk om lekkasje av kjølevæske, ikkje brann. Ingen opplysninger om personskade, skriv operasjonsleiar Jan Børge Mijse i Vest politidistrikt. Bussjåføenr ordner sjølv assistanse. - Ingen politisak, vi avslutter på staden, skriv Misje.

Gulating lagmannsrett har einstemmig frifunne ein sogning i 20-åra som i Sogn og Fjordane tingrett blei dømd til 90 dagars fengsel for å ha teke eit halsgrep på ein annan mann slik at han mista medvitet. Lagmannsretten konkluderte med at handlinga var ein lovleg nødverjehandling. Mannen blei uventa angripen og takla i bakken inne i sin egen heim, og retten la til grunn at han var livredd og ikkje hadde andre realistiske måtar å forsvare seg på. Grepet blei sleppt så snart angrepet stansa. Mannen blei frifunnen for både straff og erstatning på 15.000 kr

Ein bil og ein sparkesykkel har vore involvert i eit trafikkuhell på Askøy, melder politiet. Det er ein person i bilen og ein person på sparkesykkelen. Skadeomfanget er førebels ukjent. – Det ser ut som sparkesykkelen har køyrd inn i ein bil som har bremsa opp. Sparkesyklisten er våken og bevisst, seier operasjonsleiar Ole Ronny Olsen i Vest politidistrikt. Politiet er på veg til staden.

To personar blir framstilt for fengsling i Hordaland tingrett i dag, sikta for vald i nære relasjonar. – Dei to blei pågripne i ein kommune utanfor Bergen i går, seier politiadvokat Cathrine Schjeldrup.

Ein mann i 30-åra blir i dag framstilt for fengsling i Hordaland tingrett, sikta for alvorleg personforfølging og brot på besøksforbod. Den fornærma i saka er ei kvinne i 30-åra, som tidlegare har vore sambuar med mannen. Etter at det blei slutt mellom dei to rundt årsskiftet, meiner politiet at mannen har forfølgd kvinna i fleire månader. I vår blei han ilagt besøksforbod og seinare omvendt valdsalarm på grunn av brot på besøksforbodet. – Gjennom sommaren har det vore nye brot på forbodet, sjølv med omvendt valdsalarm. Det gjorde at me arresterte han i går og vil fengsle han i fire veker, seier politiadvokat Anna Seline Sygnabere. Mannen vart pågripen utanfor Bergen. Han skal i hovudsak ha tatt kontakt med kvinna på telefon og sosiale medium, men det er også snakk om nokre fysiske møter.

Naudetatane rykte ut til Vassbygdi i Aurland etter melding om ein mogleg brann i ein bustad. Det var gjort observasjonar på avstand, men ikkje bekrefta om det faktisk brann i bustaden. Då brannvesenet kom fram viste det seg å vere røyk frå eit bål. Det var ikkje fare for spreiing.