Skal ha delt overgrepsmateriale av born

Ein mann i 40-åra er sikta for opp­bevaring og deling av over­greps­materiale av born i sosiale medium. Mannen vart pågripen i ein av Bergen sine nabo­kommunar. Politiet vart varsla om mannen av det amerikanske National Center for Missing & Exploited Children for eitt år sidan. – Vi har ikkje hatt kapasitet før no til å pågripe, seier politi­advokat Sven Arne Dahl-Michelsen. Mannen er avhøyrd, og nektar straff­skuld. Det er føre­bels uvisst om han blir fram­stilt for fengsling. – Vi har gjort beslag i mobil, PC og sosiale medium, som vi ana­lyserer no, seier Dahl-Michelsen.