Ung gut skremte kvinne og barn i Åsane

Rett før midnatt tysdag rykte politiet i Bergen ut til Åsane Terminal, etter melding om at fleire personar var i slåstkamp på staden. Operasjonsleiar Knut Dahl-Michelsen i Vest politidistrikt opplyser at slagsmålet var eit basketak mellom fleire ungdommar. – Ein gut i tenåra skal ha sett seg inn i ein bil med ein kvinne og fleire mindreårige barn. Dei kjente ikkje guten og vart svært skremt, opplyser han. Andre ungdommar på staden skal ha prøvd å få tenåringen ut bilen, noko som skapte basketaket. Guten som sette seg inn i bilen skal ha vore svært rusa. Ambulanse var på staden og gav helsetilsyn, men ingen vart skadd. Guten er no teken hand om av sine føresette. Sak er oppretta, ifølgje politiet.