Kuttframlegg kan råke lærarutdanninga i Sogndal

Høgskulen på Vestlandet (HVL) vurderer å flytte opp mot 720 studieplassar bort frå lærarutdanninga over fire år på grunn av sviktande søkjartal. Framlegget skaper stor uro for campusar som Sogndal og Stord. Studieplassane er foreslått flytta over til helse-, sosial- og teknologifag, og høgskulestyret skal drøfte saka 11. juni. Professor Sissel Rosland, som er tilsett ved Høgskulen, seier til nettstaden Khrono at dette kan bli den største nedbygginga av lærarutdanninga i nyare norsk historie.