Enova-støtte til elektrisk skip for fiskeoppdrett i Austevoll

Oppdrettsselskapet Seistar får 132,5 millionar kroner i statleg støtte frå Enova til eit heilelektrisk prosessfartøy og eit ladeanlegg i Austevoll. Dette skal gjera det mogleg å frakta og prosessera fisk utsleppsfritt mellom oppdrettsanlegg og slakteri. I tillegg får Bjønesøy Eiendom 24 millionar kroner til eit offentleg tilgjengeleg ladeanlegg for fartøy på Storebø i Austevoll. Også ei rekke andre prosjekt i landet har fått støtte til elektrifisering av sjøfarten. – Dette viser at elektrifisering er i ferd med å bli eit reelt nullutsleppsalternativ i nærskipsfarten, skriv Enova i pressemeldinga.