Båt køyrde på land i Masfjorden – føraren send med luftambulanse

Ved Hosteland kai i Masfjorden køyrde ein båt opp på eit berg i 17.30-tida. Båtføraren, ein mann i 50-åra, blir tatt med til Haukeland universitetssjukehus i luftambulanse, melder Vest politidistrikt klokka 18.52. Båten hadde ein tube på slep. Det var to i båten og ein person i tuben. Politiet melde først at ein involvert har fått skader i ansikt/kjeve, ein har smerter i ribbein, ein er uskadd. Alle tre er oppegåande. Utanom føraren var det ein mann i 30-åra og ein gut på 13. Alle naudetatar og luftambulanse er på staden. Det er anslått at båten hadde 20-30 knop då ulukka skjedde.