Utbetrar smal strekning på Rv. 13 i Vik

Statens vegvesen startar no arbeidet med å utbetra to kilometer av Rv. 13 mellom Vangsnes og Krossen i Vik kommune, melder Statens vegvesen. Det skal mellom anna lagast sju møtelommer, i tillegg til arbeid med drenering og stikkrenner. Arbeidet vil føra til trafikale utfordringar og styrt trafikkavvikling i periodar, skriv Statens vegvesen. Planen er at vegarbeidet skal vera ferdig før sommaren. Kostnaden er om lag 11 millionar.