Brann på kjøkken i Åsane – evakuerte bygget

Det brann på eit kjøkken i Åsane i Bergen, melde politiet like før klokka 17. Det er mange leilegheiter i bygget som blei evakuert. Det skal ha vore opne flammar på staden, i følgje politiet. Brannvesenet melde klokka 16.54 at dei var framme på staden og at det var røykutvikling på kjøkkenet. Dei sende inn røykdykkarar. – Det er mindre røyk og ingen opne flammar, skreiv Trond Landaas i 110 Vest. Brannen blei meldt slokka klokka 17.39.