Roleg før vestlandsderbyet

Det har så langt gått roleg føre seg i Stavanger sentrum før vestlandsderbyet mellom Viking og Brann i Jåttåvågen i kveld. Det var flest raudkledde supporterar i sentrumsgatene i timane før kampen, men dei oppførte seg fint, etter det NRK kunne sjå. I natt blei 12 brannsupporterar viste vekk frå Stavanger sentrum. Dei kasta blant anna fyrverkeri i sentrum, ifølge politiet. Det blei også tatt beslag i fyrverkeri. Politiet har tidlegare gått ut med at dei er bekymra for at det skal skje det dei kallar uønskte hendingar i samband med fotballkampen mellom Viking og Brann klokka 18 i kveld. Dei har derfor auka bemanninga og har varsla at dei skulle vera synleg til stades i Stavanger sentrum i går kveld, men også i kveld. Kampen kan du følgja her.