To personar til sjukehus og legevakt etter frontkollisjon i Øygarden

To bilar med to personar er involverte i ein frontkollisjon i Rongøyvegen i Øygarden. Ingen av dei er fastklemte, begge er ute av bilane og er vakne og bevisste, skriv politiet. Dei er på veg til ulykkesstaden, skriv operasjonsleiar Jan Børge Misje i Vest politidistrikt. AMK varsla politiet om hendinga klokka 15.47. Sjåføren i den eine bilen, ein eldre mann, er frakta til akuttmottaket. Skadeomfanget er ukjent. Føraren av det andre køyretøyet, ei kvinne, er lettare skadd. Ho er frakta til lokal legevakt. Ein tredje bil fekk skader etter at den måtte svinge unna dei to bilane. Trafikken går forbi på staden, opplyser Malin Blom i Vegtrafikksentralen. – Men det kan verte litt forseinkingar om dei involverte køyretøya treng berging, seier ho. Like før klokka 17 er bilbergar på staden for å hente køyretøya. Politiet snakkar med vitne og gjer undersøkingar på staden.