Farlege bresprekkar grunna lite snø

Det er svært lite snø på isbreane i Sør-Noreg no, noko som gjer at snøbruene som ligg over bresprekkar blir tynnare, melder NVE. Alle som skal gå på brear framover blir bedne om å vera ekstra varsamme på bresprekkar. Varmare ver framover auker faren for fall i sprekkar, seier breforskar Liss Marie Andreassen. Minst snø, samanlikna med normalen, har Rembesdalskåka, som er ein arm av Hardangerjøkullen. Det er også mindre snø enn vanleg på Ålfotbreen, Nigardsbreen og Austdalsbreen, ifølgje NVE.