Tenåring pågripen for planlegging av drap

Laurdag vil Vest politidistrikt fengsle ein person for «forbund om drap». Det betyr «en juridisk betegnelse for en avtale mellom to eller flere personer om å begå et drap eller voldshandling», står det i BA, som først melde om hendinga. Kripos stadfestar til NRK at det er ein tenåring som er sikta. Politiet vil varetektsfengsle i to veker med brev- og besøksforbod. – Den sikta erkjenner ikkje straffskuld, seier forsvarar Tiril Røkke. Ho stadfestar at det gjeld ei U18-sak. – Vest politidistrikt har bistått Kripos, seier påtaleansvarleg Jørgen Henriksen til NRK.