Grimseth får halde fram som vektløftarpresident

Onsdag kveld behandla det ekstraordinære forbundstinget i Noregs Vektløftarforbund mistillitsforslag mot forbundspresident Stian Grimseth. Av 36 med stemmerett, enda resultatet heilt likt i kveldens avstemming. 18 stemte for mistillit, 18 imot. Det blei dermed ikkje fleirtal, og dermed får Grimseth halde fram. Grimseth frå Naustdal har vore president i Noregs Vektløftarforbund sidan 2019 og har dei siste månadane stått i sentrum for ein omfattande konflikt i forbundet.