Heider til omkomen redningsdykkar frå Stord

Adrian Willyson Brask blir tildelt heidersprisen til FNs sjøfartsorganisasjon (IMO), opplyser Sjøfartsdirektoratet. Brask, som budde på Stord, omkom i ein redningsaksjon i Lofoten i september i fjor. Ein turistbåt kantra, og Brask mista livet då han prøvde å finna ei sakna jente. – Han viste stort mot og handlekraft i ein svært krevjande situasjon. Eg er glad for at han får heidersprisen, seier fiskeri- og havminister Marianne Sivertsen Næss.