Foreslår å flytte Gloppen til Nordfjord

Eit nytt høyringsframlegg for politiet i Vest politidistrikt foreslår å flytte Gloppen kommune frå Sunnfjord til Nordfjord politistasjonsdistrikt, melder Fjordabladet. Det nye utviklingsprosjektet, som er sendt ut på høyring til 38 kommunar, tek føre seg den strategiske retninga og organiseringa av politiet i regionen. Politisjef i Nordfjord, Rognald Dvergsdal, støttar forslaget frå leiargruppa: – Dette tenkjer eg er fornuftig. Gloppen høyrer naturleg heime i Nordfjord, seier han til avisa.