Køyrde mindre på rimelegare drivstoff

Trafikken over Danmarksplass gjekk ned, sjølv om drivstoffet vart billegare frå 1. april. NAF har samanlikna tal frå Statens vegvesen på ti stadar i landet frå april til juli i år og i fjor. På landsbasis er auken 0,8 prosent. I Bergen gjekk derimot trafikken ned med over 60.000 bilar, eller 2,13 prosent. – Det viser tydeleg at det ikkje har vore slik at folk har køyrt bil for moro skuld, sjølv om diesel- og bensinprisane har vore lågare no i sommar, seier pressesjef Ingunn Handagard i NAF. Forbundet krev no at avgiftskuttet blir forlenga ut året for å hindre prishopp frå september. – Det har vore ein diskusjon knytt til om folk ville køyre meir med lågare prisar. Det har dei altså ikkje gjort, seier pressesjef Ingunn Handagard i NAF.