Firda: Har starta privat søk etter Thomas Niiranen Hamre (24)

Sidan fredag har private søkt etter Thomas Niiranen Hamre, som har vore sakna sidan ein båt kanta i Gloppen 21. juni. Det skriv Firda. Politiet gjorde omfattande søk etter Hamre føre fredag, men det var ikkje gjort funn. – No aukar vassføringa i elva igjen, og vidare søk blir difor sett litt på vent, sa politioverbetjent Lars Henrik Gimmestad den gongen. No blir det søkt i privat regi, med blant anna mannskap frå den frivillige søk- og redningstenesta Viken Search and Rescue, skriv Firda. Ifølgje avisa har dei denne onsdagen også søkt med ein ROV, som er ein fjernstyrt undervassrobot.