Sogndal utlikna på overtid

Sogndal sikra eit poeng på overtid borte mot Hødd etter ein dramatisk avslutning på Høddvoll laurdag. Heimelaget leia 2–0 til pause og såg lenge ut til å ha kontroll på kampen, men Sogndal slo tilbake i andre omgang. Sebastian Pedersen reduserte for Sogndal i det 68. minutt og tente håpet om poeng. Då klokka passerte 90 minutt såg det likevel ut til at Hødd skulle halde unna. Men i det åttande tilleggsminuttet utlikna Oliver Hintsa og sørga for 2–2 og eitt poeng til Sogndal. Laurdagens poeng i 1. divisjon plasserer Sogndal på ein 10. plass på tabellen.