Staten kuttar støtta til Fargespill

Integrerings- og mangfoldsdirektoratet (Imdi) har i år avslått å gi støtte til stiftinga Fargespill i Bergen, skriv BT. Stiftinga har fått omlag 2 millionar kroner frå staten årleg i ti år. I år har stiftinga dermed 10,7 millionar kroner i offentlege driftstilskot. I fjor fekk dei i tillegg 5,1 millionar frå ei privat finansstifting. Fargespill lagar forestillingar rundt i landet der barn og ungdom med ulik kulturbakgrunn får «utforske kvarandres kulturarv respektfullt og nysgjerrig». Også andre organisasjonar som arbeider med integrering har nyleg fått avslag. Imdi-direktør Libe Rieber-Mohn forklarer at tilskotsordninga er blitt vesentleg endra. Fargespill vil klage på avslaget.