Riksantikvaren modererer fredingsplanane i Bergen hamn

Riksantikvaren har lagt fram eit nytt forslag til freding rundt Bergenhus festning, men vil framleis flytte dei største skipa bort frå sentrum, skriv BT. I det reviderte forslaget er restriksjonane for skip over elleve meter avgrensa til berre å gjelde Festningskaien. Riksantikvar Hanna Geiran understrekar at målet er å bevare siktlinjene til nasjonalmonumentet Bergenhus, som ho meiner «forsvinn» bak store cruiseskip. Både Bergen Hamn og næringslivet er kritiske til at etaten framleis seier nei til utbygging av Skolten. Dei fryktar at Bergen vil tape store summar og miste viktige kaimeter for arbeidsbåtar når godshamna på Dokken skal flyttast. Saka skal no ut på ny høyring før bystyret i Bergen tek den endelege avgjerda.