Utvida sikting mot valdtektssikta

Mannen i 40-åra som tysdag vart sikta for valdtekt av ei kvinne i fjor, blir i dag framstilt for fengsling. Siktinga er i tillegg utvida til også å gjelde lagring av overgrepsmateriale av born. – Han har forklart seg for politiet og samarbeidd, men har ikkje erkjent straffskuld for noko av områda, seier politiadvokat Sven Dahl-Michelsen.