Framtida til Stord lufthamn kan bli avgjord i april

Samferdselsminister Jon-Ivar Nygård (Ap) varslar at resultatet av anbodskonkurransen for statlege flyruter kjem i løpet av dei neste ti dagane. Lufthamnsjef Jan Morten Myklebust har tidlegare åtvara om at framtida til flyplassen på Stord er truga dersom ruta til Oslo ikkje kjem inn under den statlege FOT-ordninga. Dette er ei ordning der staten kjøper flytenester for å sikre eit tilbod i område der det ikkje er grunnlag for kommersiell drift. Myklebust seier til avisa Sunnhordland han blir skuffa om lufthamna ikkje får vere med i ordninga når departementet kunngjer konkurransen innan utgangen av månaden.