Krev svar frå fylkesordføraren om Bergensbåten

Jacob Nødseth frå Venstre krev svar frå fylkesordføraren om rutinane på Bergensbåten, altså ekspressbåtrutene mellom Bergen og Selje/Sogn. Ifølgje Firdaposten reagerer Nødseth på at det ikkje er mogleg å reservere plass på båten, og at det oppstår lange køar i vind og regn på Strandkaiterminalen. Han kallar dagens kollektivtilbod direkte uverdig, særleg for rørslehemma. Fylkesordførar Jon Askeland (Sp) skal svara på det skriftlege spørsmålet tysdag.