Krev nær tre års fengsel etter dødsulukke i Øygarden

Aktor krev to år og åtte månaders vilkårslaus fengsel for ein mann i 20-åra, etter at 48 år gamle Stig Gjerstad vart påkøyrt og drepen på sykkel i fjor haust. Tiltalte køyrde i over 100 km/t med 0,95 i promille då ulukka skjedde. Kvelden før hadde han mista førarkortet i ein fartskontroll. I retten onsdag bad politiadvokat Nathalie Christensen om at mannen må miste førarretten for alltid, og slo fast at han har handla svært klanderverdig. Mannen har erkjent straffskuld og beklaga overfor familien.