Skal ha oppsøkt tilfeldig leiligheit i Bergen og bede om pengar - enda med knivstikking

Ein person vart frakta til legevakt med ambulanse etter å ha vorte knivstukke i skuldra på Solheim i Bergen seint torsdag kveld. – Fornærma og sambuar var heime i bustaden, då gjerningspersonen hadde banka på og spurt etter pengar. Det oppstod ein diskusjon, som enda med at fornærma vart knivstukke i skuldra, seier operasjonsleiar Tore-André Brakstad i Vest politidistrikt. Politiet rykte ut til staden, og etter kort tid arresterte dei mannen som skal ha knivstukke. Dei sikra også kontroll på ein kniv. – Dei to skal ikkje ha kjent kvarandre frå tidlegare, opplyser Brakstad. Gjerningspersonen er ein mann i 20-åra, som er kjent av politiet frå tidlegare. Han sit i arresten, og er framleis ikkje avhøyrt, opplyser Brakstad. – Korleis opplevde paret i leilegheita hendinga? – Det har eg ikkje konkrete opplysingar om, men eg vil anta at dei opplevde det som skremmande, seier han.