Pågripen etter naustinnbrot

Politiet har pågripe ein mann i 40-åra for eit naustinnbrot på Skarpeneset i Alver onsdag morgon. Innbrotet vart oppdaga då eit alarmselskap fekk overvakingsbilete av mannen inne i naustet. På veg til staden fekk ein politipatrulje auge på ein mindre plastbåt i Krossnessundet. Båtføraren passa til skildringa av tjuven, og han vart pågripe då båten la til kai sør for Krossnessundbrua. Mannen sit no i varetekt hjå Nordhordland politistasjon.