Vil varetektsfengsle mann for grovt narkotikalovbrot

Politiet ber onsdag tingretten om å varetektsfengsle ein mann i slutten av 20-åra i fire veker, etter at han vart pågripen i Bergen tysdag morgon. Mannen er sikta for grov narkotikaovertreding og heleri etter ein planlagd aksjon og ransaking der politiet gjorde beslag. Politiet ber om at to av vekene blir i full isolasjon. – Dette er på grunn av fare for bevisøydelegging. Vi er heilt i den innleiande fasen, og det er for tidleg å seie kva dette utløyser av vidare etterforskingssteg, seier politiadvokat Trine Frantzen til BT.