Trafikkulykke mellom varebil og lastebil i Stryn

To køyretøy er involverte i ei trafikkulykke på Fjordvegen mellom Skoganeset og Staveneset i Stryn. Ein varebil skal ha køyrd inn i ein lastebil bakfrå. Sjåføren av varebilen varsla sjølv naudetatane. Bilføraren har smerter i overkroppen, og blir tatt med til legevakt. Det er ingen mistanke om køyring i ruspåverka tilstand, opplyser politiet. Det er ingen trafikkproblem på staden, og bilbergar er bestilt.