Brann ved campingplass starta frå bål

Naudetatane rykte laurdag ettermiddag ut til melding om gras- og terrengbrann ved ein campingplass på Fitjar. Brannvesenet starta raskt sløkkjearbeid då dei kom fram til staden. Ifølgje politiet blei brannen sløkt like etter klokka 16.30. Ein mann i 50-åra har forklart at han starta brannen då han tende eit bål. Han er teken hand om av helsepersonell. Politiet har oppretta sak og avslutta arbeidet på staden.