Dømd for overgrep mot dottera i Sunnfjord

Ein mann i 40-åra er i Sogn og Fjordane tingrett dømd til åtte år og tre månadar i fengsel for seksuelle overgrep mot si eiga dotter. Han må også betala 375.000 kroner i erstatning til dottera. Jenta fortalde sjølv om overgrepa til ein helsesjukepleiar då ho var sju år gammal, og forklarte at overgrepa starta ved fireårsalderen. Mannen blei pågripen i november i fjor, og har sitte i varetekt sidan. Det blei også funne overgrepsmateriale heime hjå han. Han nekta straffskuld i retten, og forsvarar Ivar Eivind Hauge seier dommen blir anka. – Han tek dommen svært tungt, seier Hauge.