Kongeleg mannskap på Myklebustskipet

Laurdag 25. april vitjar HKH Kronprins Haakon og Prins Sverre Magnus Nordfjordeid for å delta i den årlege sjøsettinga av Myklebustskipet. Dei kongelege gjestene skal besøke Myklebusthaugen og kunnskapssenteret Sagastad. Høgdepunktet for dagen er når Kronprinsen og Prinsen mønstrar på som mannskap. Dei skal ro den 30 meter lange rekonstruksjonen av verdas største vikingskip side om side med det frivillige «Rolaget Myklebust». – At dei vel å ro saman med oss, er ei fantastisk oppmuntring for den levande kystkulturen vår, seier marknadssjef Jacob Bredesen i ei pressemelding.