Mobilkran velta på Aker Solutions – éin person skadd

Éin person vart lettare skadd då ein mobilkran velta over ein lastebil på demoleringsanlegget til Aker Solutions på Stord torsdag, skriv Sunnhordland. Ulukka skjedde under rivingsarbeid og klargjering til transport. Føraren av lastebilen fekk lettare skadar i ein fot og vart teken hand om av bedriftshelsetenesta. Arbeidstilsynet er varsla, og Aker Solutions skal no granske hendinga. Dette er den andre kranulukka på anlegget på kort tid; langfredag i år mista ein 43 år gammal mann livet i ei liknande ulukke på det same området.