Mann sikta for valdtekt i Bergen

Ein mann er sikta for valdtekt som skal ha skjedd på ei privatadresse i Bergen i fjor. Mannen vart pågripen i går, og blir avhøyrd i dag. Den fornærma kvinna er avhøyrd. Begge partane er ifølgje politiet «vaksne», og det skal vere ein nær relasjon mellom dei to. Av omsyn til etterforskinga og dei involverte ynskjer ikkje politiadvokat Sven Arne Dahl-Michelsen å kommentere saka nærare i detalj. Det er førebels ikkje avgjort om mannen skal framstillast for fengsling eller ikkje. – Vi gjennomfører avhøyr og har gjort elektroniske beslag som vi no går igjennom, seier Dahl-Michelsen. Det har ikkje lukkast NRK å få kommentar frå mannen sin forsvarar, Alexander Gonzalo Sele. – Han knyter seg til handlinga, seier Sele til Bergensavisen.