Prestisjepris til Astruptunet

Astruptunet får pris frå den europeiske kulturarvorganisasjonen, Europa Nostra. Dei vinnar prisen for sin restaurerte gardshage i kategorien, konservering og tilpassa gjenbruk. – Vi er svært glad for den gjeve og prestisjetunge prisen til Astruptunet. Dette er ei stor anerkjenning av eit langsiktig og grundig arbeid med å ta vare på ein heilt unik del av kulturarven vår, seier ordførar i Sunnfjord, Jenny Følling. Prisen vert delt ut under det europeiske toppmøtet for kulturarv i Nicosia, Kypros, den 28. mai.