Trafikkulukke i Alver
Ein bil sklei i ettermiddag over i motgåande køyrevelt og inn i ein midtrabatt på E39 i Alver. Ulukka har skjedd på Flatøy ved påkøyringsfeltet inn på Nordhordlandsbrua. Politiet fekk melding om hendinga klokka 17.58, opplyser operasjonsleiar Frode Kolltveit. Det var tre personar i bilen, men alle er komne ut og det er ikkje meldt om personskadar. Politiet er på veg fram til ulukkesstaden, medan brann og ambulanse avventar. Trafikken passerer no sakte forbi.
























