Vestland fylkeskommune inngår ny avtale etter gigantkonkurs – arbeidet på Bømlo kjem i gang igjen

Arbeidet med siste rest av Bømlopakken stoppa opp då selskapet Bertelsen & Garpestad gjekk konkurs i starten av mars. Men no kjem arbeidet i gang igjen, stadfester direktør for infrastruktur og veg i Vestland fylkeskommune, Dina Lefdal. – No har me inngått ein avtale mellom oss, konkursbuet og firmaet B45 Anlegg AS om å fullføra arbeidet, seier Lefdal til NRK. Fylkeskommunen ventar at prosjektet er i gang igjen i løpet av kort tid, og at vegarbeidet på Fv. 541 Hestaneset-Sakseid-Ekornsæter vil vera ferdig til neste sommar. Konkursen er ein av dei største i bransjen gjennom tidene, og råka vegprosjekt over heile Noreg.