Fann 250 gram hasj under ryddeaksjon i Åsane

Under ein ryddeaksjon i eit burettsslag i Åsane onsdag ettermiddag, vart det funne to svarte plastposar med mistenkeleg innhald. Plastposane låg i eit kratt, bak ein leikeplass. – Politiet vart varsla og ein patrulje kom til staden. Det viste seg å vera hasj/cannabis, fortel politistasjonssjef ved Bergen Nord politistasjon, Ørjan Hjortland. Innhaldet vart teke med til politistasjonen. – Det var 250 gram med hasj/cannabis. Det er sendt til Kripos for destruksjon, seier Hjortland, som roser dei ansvarlege for ryddinga for å ha teke kontakt med politiet. På gata vil ein slik mengde ha ein verdi på mellom 40 til 50.000 kroner, ifølgje Rusinfo. Ingen er førebels mistenkt, men politiet har oppretta undersøkingssak.