Niklas Jensen Wassberg (22) har skrive under på ein ny langtidskontrakt med Brann. Den nye avtalen gjeld ut 2030. Midtbanespelaren seier han er glad for å sikre framtida i klubben. – Det er veldig deilig å ha signert. Eg ser fram til framtida her, og kunne ha fullt fokus på det som skjer på bana. Det er fyrst og fremst ein klubb eg er veldig glad i og som eg har vore i lenge no, seier han til Brann.no.

Hamse Ali blei dømd til fengsel i 45 dagar av lagmannsretten for falsk forklaring, etter først å ha bli frikjent i Hordaland tingrett. Ali anka domen til Høgsterett, som no skal behandle saka. Det melder BT.

To menn er tiltalt for ran av ei kvinne på Bømlo i fjor sommar, og må møta i Haugaland og Sunnhordland tingrett i haust. Ifølgje tiltalen skal dei mellom anna ha truga kvinna med ein elektrosjokkpistol. Vidare skal dei ha halde ho fast, barbert håret hennar vekk og slege ho i hovudet. Kvinna skal ha gitt vekk koden til nettbanken og 11.000 kroner skal ha blitt overført til ein av mennene sin konto. Forsvarar for ein av mennene, advokat Anne Kroken, seier hennar klient nektar for å ha vore med på ran av kvinna. Forsvarar for den andre mannen, advokat Per Ivar Hessen, har førebels ikkje svart NRK.

Nødetatene rykket ut til en adresse på Bremnes på Stord etter melding om en lyngbrann. Brannen ble raskt slukket, melder politiet. Årsaken til brannen er foreløpig ukjent. Politiet mistenker uaktsomhet, og foretar dermed avhør på stedet.

Naudetatane rykte ut til ei melding om mogleg brann i eit køyretøy i Gudvangatunnelen i Aurland måndag formiddag. Ein person skal ha sett røyk eller flammar frå eksosanlegget på ein bil. Den 11.428 meter lange tunnelen vart stengd som følgje av meldinga. Kort tid seinare opplyste 110 Vest at det var falsk alarm: – Det er avklart at det ikkje er brann i køyretøy. Tunnelen er opna for normal ferdsel, seier operasjonsleder Jørgen Ommedal i Vest politidistrikt.

En mann i 30-årene fra Nordfjord er tiltalt for vold og trusler mot to ansatte ved sykehuset i Førde i august 2024. Ifølge tiltalen skal mannen ha bitt, spyttet på og truet de ansatte. Mannen er også tiltalt for å ha kjørt i ruspåvirket tilstand på flere datoer.

Fleire avgangar på hurtigbåtruta mellom Sunnhordland og Bergen er innstilte måndag på grunn av teknisk feil på fartøy, melder Norled. Avgangane frå Leirvik 06.50 og frå Skånevik 07.55 er innstilte. Fleire avgangar tidlegare måndag vart også innstilte. Det er rute C som er ramma av utfordringane.

Ein mann i 30-åra er i Gulating lagmannsrett dømd til 4 år og 4 månadar fengsel for grov narkotikakriminalitet og heleri. Det melder Bergens Tidende. Politiet kjende til mannen frå før og følgde med på han sommaren 2025. Då fann dei 450.000 kroner og 700 gram ketamin i eit skogholt i Sandviken, der mannen hadde blitt observert tidlegare. Han skal også ha selt kokain og cannabis i same periode. I tillegg blir han dømd for heleri av 700 gram ketamin og 225.000 kroner som stammar frå andre straffbare forhold. – Klienten min er ueinig i dommen. Dommen vil bli anka, seier Kim Villanger, forsvararen til mannen, til BT.

To menn i 30-åra vart henta ned frå Vetle Skagastølstindane i Luster av redningshelikopter i går kveld. Klatrarane var på ei fjellhylle på 2290 m.o.h. når noko av tauet sette seg fast medan dei prøvde å rappellerte ned. Det var gode vêrforhold, og klatrarane hadde godt med utstyr med seg. Rett over klokka 23.30 vart klatrarane trygt henta ned av helikopteret.

Ambulanse og politi er på staden etter ei ulukke der personbil og lettmotorsykkel har kollidert ved krysset Wessels gate/Professor Hansteens gate. Det skal ha vore to på sykkelen og 3-4 i bilen. Alle er oppegåande, melder Vest politidistrikt.

På E39 nordover frå Lavik i Høyanger rykka politiet i 18-tida ut etter melding om ein personbil med vinglete køyring. Ein mann i 50-åra trefte nesten autovern og køyrde med varierande fart. Han er mistenkt for å vere påverka av rus eller medisinar. Det blir tatt blodprøve.

Ved Hosteland kai i Masfjorden køyrde ein båt opp på eit berg i 17.30-tida. Båtføraren, ein mann i 50-åra, blir tatt med til Haukeland universitetssjukehus i luftambulanse, melder Vest politidistrikt klokka 18.52. Båten hadde ein tube på slep. Det var to i båten og ein person i tuben. Politiet melde først at ein involvert har fått skader i ansikt/kjeve, ein har smerter i ribbein, ein er uskadd. Alle tre er oppegåande. Utanom føraren var det ein mann i 30-åra og ein gut på 13. Alle naudetatar og luftambulanse er på staden. Det er anslått at båten hadde 20-30 knop då ulukka skjedde.

I 12-tida søndag vart det oppdaga bensinlekkasje i vågen på Kolbeinshamn i Austevoll. Lekkasjen vaks etterkvart, og brannvesenet la ut lenser og skum. Folk vart bedne om å halde seg unna, på grunn av både brannfare og fare for helsefarleg bensindamp. Ifølge vaktleiar Børre Brekkvassmo i 110 Vest kan opptil 9000 liter bensin ha runne ut. Bensinen kom truleg frå bensinpumpe for båtar tilknytta oppdrettsanlegg. I 15.30-tida melde brannvesenet at lekkasjen var minkande.

I 16-tida fekk politiet melding om ein bil som kolliderte på ulike stader i Nordahl Rolfsens vei i Bergen. Bilen hadde også rygga inn i en busk, truffe ei trapp og køyrd over eit blomsterbed, før ferda stansa i ein lyktestolpe i Hagerups vei. – Føraren er opplyst å framstå noko forvirra, melder Vest politidistrikt. Kvinne i 70-åra vart sett til av helsepersonell på staden. Ho skal ikkje vera skadd, men vart tatt med til Bergen legevakt i ambulanse. Alkometer viste over tillaten verdi. Politiet tok førarkortet og det blir tatt blodprøve. Politiet har funne materielle skader på nokre bilar i Nordahl Rolfsens vei som bilen truleg har kollidert i. Bergingsbil blir rekvirert.

Klokka 16.15 varsla MO Gyldenpris politiet om ein person som har tatt seg opp på eit tak. Vedkomande fremstår rusa, og derfor var meldaren uroa for at personen kunne falle ned. Politiet kom til staden og personen er klokka 16.40 nede frå taket. Rusa og uskadd, og i kontakt med ein patrulje, melder Vest politidistrikt. MO er Mottaks- og oppfølgingssenter for rusmiddelavhengige over 18 år.

Naudetatane har rykt ut til ei trafikkulukke mellom ein bil og ein motorsykkel på Viksdalsvegen i Sunnfjord. To personar er involverte, føraren av motorsykkelen og føraren av bilen. Ulukka framstår som alvorleg, og luftambulanse er på veg til staden.

Naudetatane har rykt ut til Bømoen på Voss etter melding om ein fallskjermhoppar som skal ha falle ukontrollert mot bakken. Opplysningane er førebels ikkje stadfesta, og situasjonen er uavklart. Ressursar er på veg til staden.

Ein bil har køyrt av vegen og treft eit tre på Skei i Jølster. Det var tre personar i bilen. Alle framstår som oppegåande. Naudetatane er på staden, og konstaterer at ingen er skadde. Politiet opprettar sak på grunn av uoppmerksam køyring.

Hovudredningssentralen melder klokka 15.45. at redningshelikopteret no har henta ut dei to vaksne turgåarane som stod fast i terrenget ved Bjørnsteg i Ullensvang. Ingen av dei er skadde. Redningsaksjonen vart sett i gang og frivillige frå Røde Kors kalla ut litt før klokka 14. Det var ein mann og ei kvinne i 50-åra som ikkje kom seg vidare opp eller ned. Helikopteret var først på veg til området, men vart i ein periode omdirigert til eit anna viktig oppdrag. Klokka 14.55 returnerte helikopteret til området og henta dei to skårfaste ut.

Ein mann busett i Kinn kommune er ilagt besøksforbod mot to kvinner i ti månader, skriv Firdaposten. Forbodet gjeld fram til mars 2027 og er stadfesta av tingretten. Bakgrunnen er fleire valdshendingar, mellom anna ei melding om kroppskrenking som framleis er under etterforsking. Retten meiner det er ein reell risiko for at mannen kan utføre straffbare handlingar, forfølgje eller krenkje freden til den eine kvinna. Mannen har ikkje lov til å oppsøkje eller kontakte kvinnene, verken direkte, på telefon, gjennom meldingar eller via andre personar. Sjølv om mannen og den eine kvinna har eit felles barn, meiner retten at kontakt om samvær kan gå gjennom ein tredjeperson.

Det går føre seg ein redningsaksjon i Jotunheimen etter at ein person fall under klatring søndag morgon. Personen var del av eit turfølgje på to. Ulukka framstår som alvorleg, og både redningshelikopter, luftambulanse og Norske Alpine Redningsgrupper er involverte i aksjonen.

Ein ung gut er frakta til sjukehus etter eit slagsmål i Sæbøvik i Kvinnherad natt til søndag. Politiet fekk melding om hendinga i Sæbøvikvegen klokka 02.07. Den mistenkte hadde forlate staden før politiet kom fram. Guten var medviten og kunne snakke, men skadeomfanget er førebels ukjent.