Stansar salet av rypejaktkort
Luster Austre Fjellstyre stansar frå torsdag salet av småviltkort for rypejakt. Grunnen er meldingar frå jegerar som fortel om svært lite rype i fjellet denne hausten. Fjellstyret skriv på nettsidene sine at dei har fått fleire tilbakemeldingar frå jegerar som er uroa over den låge bestanden. For å verne det som er att av rypestamma, har dei difor valt å stogge vidare sal av jaktkort. Kort som allereie er kjøpte, kan framleis nyttast. Samstundes oppmodar fjellstyret jegerar om å vise måtehald og halde seg til grensa på maks tre ryper per dag. Fjellstyret understrekar at det berre skal drivast jakt når det finst eit jaktbart overskot, og seier dei set pris på at jegerar melder frå når dei opplever at bestanden er mindre enn venta.
.jpg "FOTO: Sandor Dahl")
