To turistar treng hjelp ned frå Skåla i Stryn

To europeiske turistar i 20- og 30-åra treng assistanse for å komme ned frå fjellet Skåla i Stryn. Dei kom seg opp i går, og har vore der oppe på DNT-hytta i natt. Det er uvisst om dei har naudsynt utstyr og erfaring, ifølge operasjonsleiar Frode Kolltveit i Vest politidistrikt. – Dei har nok vore litt dristige, desse to, seier Kolltveit. Vêret er ruskete, og dei blir truleg verande på toppen til i morgon. Då kjem mannskap frå Røde Kors for å hjelpe dei ned. Dei er ikkje skada, men skal vere nokså utmatta etter turen opp. Politiet fekk melding om turistane i føremiddag.