Vestlandet vert hardt råka om det blir storstreik i byggjenæringa – partane meklar på overtid

Ei rad verksemder innan byggfag kan hamna i streik om NHO Byggnæringen og Fellesforbundet ikkje blir samde i meklinga som onsdag morgon er kraftig på overtid. I lista over streikeuttak på til saman 17.000 personar det mange verksemder frå Vestlandet. Fellesforbundet har mellom anna varsla at 205 tilsette i Veidekke Entreprenør, 104 tilsette i LAB Entreprenør, 98 tilsette i Brødrene Ulveseth AS og 90 tilsette hos Chr M Vestrheim AS i Bergen kan hamna i streik. I Sunnfjord vil mellom anna 28 tilsette i Åsen & Øverlid bli tekne ut, og på Stord kan 65 i Yabimo Norge hamna i streik. Til saman kan over 1.800 tilsette i Vestland hamna i streik. Tilsette skal møta på jobb som vanleg, skriv Fellesforbundet på sine sider onsdag morgon.