Daniel Hägglund går av som byråd

Daniel Hägglund (FrP) sluttar som byråd for barnehage og skule, melder kommunen i ei pressemelding. – Eg ser at ved å søka andre jobbar medan eg er byråd, har sendt eit feil signal om min motivasjon til å halda fram i rolla, seier Hägglund. Tidlegare denne veka meldte BT at Hägglund var ein av søkarane til ei toppleiarstilling i Visit Bergen. Det skal han ikkje ha informert verken FrP eller byrådsleiaren om. Fram til ein ny byrådsleiar blir utnemnd vil sosialbyråd Charlotte Spurkeland ha ansvar for barnehage og skule.