Rår til å dekkje til U-864
Kystverket rår til at ubåtvraket U-864 og den forureina sjøbotnen utanfor Fedje blir dekte til. Ei ny rapport viser at tildekking kan redusere miljørisikoen, medan fjerning av kvikksølvet inneber større risiko for spreiing og høgare kostnader. – Rapporten gir viktig ny kunnskap om tilstanden til vraket og kva tiltak som kan redusere miljørisikoen på lang sikt. Vi skal no gå grundig gjennom tilrådingane frå Kystverket, seier fiskeri- og havminister Marianne Sivertsen Næss. Nærings- og fiskeridepartementet vil no gå gjennom rapporten og tilrådingane frå Kystverket. Deretter vil departementet, i tråd med vedtaket i Stortinget, bestille ei tilleggsutgreiing frå Kystverket om heving av ubåten med last og/eller fjerning av torpedoane.
.jpg "FOTO: Anders Kjølen")
.jpeg "FOTO: DrivstoffAppen")
